Description

ხანგრძლივი ლიტერატურული მოღვაწეობის მანძილზე კლასიკოსი მწერალი ადამიანის ცნობიერების ასპექტებს იკვლევდა. კნუტ ჰამსუნმა პირველმა გამოიყენა შინაგანი მონოლოგისა და ცნობიე­რების ნაკადის ტექნიკები, რითაც საფუძველი ჩაუყარა ფსიქოლო­გიურ და მოდერნისტულ პროზას, რომლის დადასტურებაცაა ეს რო­მანი. დიდერიკისა და იზელინის მსგავსად, მწერალმა შექმნა თავისი მითოლოგია, რომლის დახმარებითაც მთავარი პერსონაჟი თავისი ნაკლის გაცნობიერებას ცდილობს. პანი რთული ამოცანაა, რომლის ამოხსნაც ყველას როდი შეუძლია. მწერალი გვიამბობს ახალგაზრდა ლეიტენანტზე, რომელსაც საზოგადოებაში ცხოვრებას, ბუნებასთან შერწყმა ურჩევნია. ტყე მისი სახლია, ის ცივილიზაციას გაურბის, ადამიანებთან ურთიერთობა უჭირს. მაგრამ ამ იმპულსური ბუნების ოცდაათი წლის ლეიტენანტს მაინც სწვდება ცივილიზაციის მსახ­ვრალი ხელი. როგორ გაება სატრფიალო თამაშებში, რატომ ისწრაფ­ვის ამ სამყაროდან გასვლას? სად დაუშვა შეცდომა? ეს ყველაფერი თავად უნდა გადაწყვიტოთ.