აღწერა

ირის ჰანიკას რომანმა “ცოდვა” ევროკავშირის ლიტერატურული პრემია (2010) და “ლიტერატურნორდის”  მთავარი პრიზი  მოიპოვა  (2011). წიგნი ასახავს თანამედროვე გერმანელების განცდას წარსულში ნაციონალ-სოციალისტების მიერ ჩადენილი დანაშაულებების გამო, აგრეთვე – დღევანდელ რეალობასაც. მთავარი გმირი, ფრამბახი, ხშირად ფიქრობს ადამიანის განვლილ და მიმდინარე ცხოვრებაზე. ის მელანქოლიკი არქივარიუსია, რომელიც მოსაწყენი ცხოვრებით ცხოვრობს და ამქვეყნად ერთადერთი მეგობარი ჰყავს; მუშაობს წარსულის საქმეთა მართვის ინსტიტუტში და ნაცისტების მიერ ჩადენილ დანაშაულებებს იკვლევს. მისთვის სამსახური უფრო მნიშვნელოვანია, ვიდრე სხვა რამ. სარკაზმით შეზავებული ორიგინალური ფორმის (მაგალითად, ცარიელი გვერდი დასაფიქრებლად, შენიშვნების გვერდები – საკუთარი აზრის გამოსახატავად) რომანი მარტოობისა და მეგობრობის თემებსაც ეხება.