Description

1843 წელს გამოცემული „საშობაო სიმღერა“ დღემდე მთელ მსოფლიოში ყველაზე პოპულარული საშობაო ნაწარმოებია. მართალია, ჩარლზ დიკენსმა თხზულებას სიმღერა დაარქვა, თავებს კი – სტროფები, მაგრამ ამბავი შობის მოჩვენებებზე პროზად მოგვითხრო. ეს წიგნი მარადიულ ფასეულობებზეა: მოყვასის სიყვარულზე, ადამიანურ თანაგრძნობაზე, გულწრფელ სიკეთეზე... ხშირად ამბობენ, რომ ადამიანი არ იცვლება, ამ ნაწარმოებში კი ავტორი საპირისპიროს ამტკიცებს – იცვლება, მთავარია, მოინდომოს. ახალი ცხოვრების დასაწყებად სულაც არ არის საჭირო ისეთი ფსიქოლოგიური გამოცდა, როგორიც მთავარ გმირს, სკრუჯს დაატყდა თავს. ამისთვის საკმარისია, ადამიანი გულმოდგინედ დააკვირდეს თავის ცხოვრებას, აღიაროს და გააანალიზოს საკუთარი შეცდომები, გაუჩნდეს ყველაფრის თავიდან დაწყების სურვილი... ამ ნაწარმოების მიხედვით არაერთი ფილმია გადაღებული; იდგმება სპექტაკლები და მიუზიკლები.