Description

ჩემო პატარა მკითხველო, ეს არაჩვეულებრივი ზღაპარი შენი თანატოლების – ემიგრანტი ნიკუშას, ყარაჩოხელის სამოსიანი ლაზარეს, ჩოხოსანი გიორგის, ჭრელწინდებიანი მარიამისა და უფლისწული დაჩის – ხუთი სხვადასხვა თბილისის შესახებ მოგიყვება. „5 ბავშვი – 5 თბილისი“ რეალური თუ გამოგონილი ამბების ერთგვარი ნაზავია, რომელიც პირველი შეხვედრის ადგილს თანამედროვე თბილისში გინიშნავს და შემდეგ, ზღაპრის პატარა გმირებთან ერთად, დროსა და სივრცეში გამოგზაურებს. ამ წიგნის გმირ ხუთივე ბავშვს, რომლებიც სხვადასხვა ეპოქაში, სწორედ თბილისში ცხოვრობენ, აქვთ ერთი საერთო – ჯადოსნური ნივთები და ამ ნივთებთან დაკავშირებული ზღაპრული ისტორიები... შემეცნებითი ზღაპარი „5 ბავშვი – 5 თბილისი“ არის ერთგვარი მცდელობა, ადრეული ასაკიდანვე გაიცნო და შეიყვარო ჩვენი დედაქალაქის, თბილისის საინტერესო, ქარტეხილებით აღსავსე მრავალსაუკუნოვანი ისტორია და ამ ისტორიასთან დაკავშირებული მითები და ლეგენდები.

შთაბეჭდილებებით სავსე მოგზაურობას გისურვებ!